Mda wa kusitisha vita waongezwa Ukraine

Mwanajeshi wa Ukraine

Rais wa Ukraine Petro Poroshenko ameongeza makubaliano ya kusitisha vita na wapiganaji wanaotaka kujitenga mashariki mwa Ukraine kwa siku tatu nyingine.

Mkataba huo ulitarajiwa kukamilika hapo jana lakini rais Poroshenko akauongeza baada ya waasi hao wanaozungumza na wawakilishi wa usalama kutoka ulaya kusema kuwa wako tayari kuongezwa kwa mda huo.

Bwana Poroshenko ameweka masharti katika mda wa masaa 72 yajayo ambayo anatarajia yataafikiwa huku waasi hao wakisema kwamba watatoa mda zaidi kwa mazungumzo yasiyo ya moja kwa moja.
Wakati huohuo Urusi imetangaza mipango ya kutuma tani 60 za msaada wa kibinaadamu katika eneo la mashariki mwa Ukraine siku ya jumamosi.
Kitengo cha umoja wa mataifa cha wakimbizi kinasema kuwa makumi ya maelfu ya raia wamewachwa bila makao kufuatia mzozo huo swala ambalo rais wa Urusi Vladmir Putin amelitaja kuwa janga la kibinaadamu.
Wito wa Urusi kuitaka Ukraine kuruhusu kuingia kwa msaada huo ni kinyume na onyo lililotolewa na taifa hilo kwamba Ukraine itakiona cha mtema kuni iwapo ushirikiano wa Ukraine na muungano wa ulaya utaathiri uchumi wa Urusi.

Share on Google Plus

About Unknown

Naitwa Abdalla Ngowi, Napenda Michezo na kukupa habari mbalimbali kutoka katika kila kona ya ulimwengu huu!, karibu ABD da Hustler